Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 258 Hüküm no: 523 Orijinal metin no: [68a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emir b. Kemal’in küçük kızı Sitti Mü’mine’yi Hamal Ali b. Selim’e besleme olarak verdiği Yevmü’l-isneyn, fî 22 Vech-i tahrîr-i sicil oldur ki Emir b. Kemal nâm kimesne sulbiye kızı sagīre Sitti Mü’mine nâm sagīre kızını işbu sâhibü’s-sicil Hamal Ali b. Selim nâm kimesneye nafakasız beslemeğe verdim tâ bâliğa olunca ve mezbûrenin müteveffiye anası Şâhî’den intikāl eden yüz yirmi bir akçe hisse-i şer‘iyyesiyle verip teslîm etdim ve eğer mezbûre kızımı işbu Hamal Ali benden yevmî birer akçe nafakasın her ne mikdâr [ve] zaman besler ise alsın dedikde mukırr-ı mezbûrun ikrârını vech-i meşrûh üzere kabûl ve tasdîk edip mâ vaka‘a bi’t-taleb kayd olundu. Tahrîren fi’l-yevmi’s-sânî ve’l-ışrîn min şehri Receb li-sene semân ve sittîn ve tis‘a mi’e. Şuhûd: Mahmud Bey sipâhî, Ali b. Abdullah, Hasan Kasab b. Abdullah, Sadi b. Yusuf subaşı, İlyas b. Abdullah er-râcil, Ferruh b. Abdullah, Mehmed b. Mustafa el-muhzır ve gayruhüm mine’l-hâzırîn.