Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 258 Hüküm no: 525 Orijinal metin no: [68a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Todora v. Kordes’in aldığı borç karşılığında Habbaz Yani v. Keyn’e evini rehin verip borcunu ödeyemediği takdirde ise evini devre vekil tayin ettiği Oldur ki Todora v. Kordes nâm zimmî meclis-i şer‘a hâzır oldukda Yani v. Keyn nâm habbâz mahzarında ikrâr ve i‘tirâf edip işbu bâ‘isü’s-sicil Yani elinden dokuz yüz akçe alıp kabûl [ve] kabz edip Rumeli’nde Delvine Sancağı’nda Mazarak kazâsına tâbi‘ Pişavirile nâm karyede olan ma‘lûmü’l-hudûd fevkānî ve tahtânî önünde bostânlığı ile mezbûr evimi meblağ-ı mevrûd mukābilesinde rehin verdim târih-i kitâbdan sene tamâmına varınca eğer meblağ-ı mezkûrun edâsına kādir olmaz isem benim devre vekîlim olup mülk-i mezbûru bey‘ edip hakkını ala dedikde mukırr-ı mezbûrun ikrâr ve akvâl-i meşrûhunu Yani mezbûr vicâhen kabûl ve tasdîk edip mâ vaka‘a bi’t-taleb kayd olundu. Tahrîren fî evâhiri Receb sene 968. Şuhûd: Ferruh b. Abdullah, Kondi v. Miho, Yorgi v. Yani, Dimitri v. Voynuk, Veksi v. Keyn ve gayruhüm.