Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 284 Hüküm no: 589 Orijinal metin no: [77b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kosta b. Petro’nun Gülfam Hatun Vakfı’ndan ödünç aldığı Yevmü’l-hamîs fî 13 Yevmü’l-cum‘a fî 14 Kosta b. Petro işbu akdin kendisinden sudûruna kadar mâliki olduğu ve taht-ı tasarrufunda bulundurduğu, havâss-ı Kostantıniyye-i mahmiyye tevâbinden Akındıburnu karyesinde vâki‘, bir tarafından tarîk-ı âm, bir tarafından Andriya ve Mayno mülkü, bir tarafından Todora b. Şiru mülkü, bir tarafından Dimitri b. Pavlo mülkü ile mahdûd olan buzhâneyi ve esbâbını cümle tevâbi‘i ve levâhıkıyla râyicü’l-vakt iki bin akçe semen-i mu‘ayyen-i makbûzla kıdvetü’n-nisâi’l-muhadderât Gülfam Hatun Vakfı’na mütevellî olan Mehmed Çelebi b. Mehmed’e bey‘ ettiğini ikrâr ve i‘tirâf eyledi. O dahî vakf-ı mezbûr malıyla ve istiğlâl maksadıyla iştirâ eyledi. Mütevellî-yi mezbûr menzil-i merkūmu gurre-i şehr-i Şa‘bân’dan bir sene tamâmına râyicü’l-vakt iki yüz akçeye bâyi‘-i mezkûra icâreye verdi. Vâki‘ ikrâr mütevellî-yi mezbûr tarafından vicâhen ve şifâhen tasdîk edildi. Todora b. Petro menzil-i mezbûrun derkine ve ücret-i kirâya icâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’r-râbi‘ min şehri Muharremi’l-harâm li-sene semâne ve sittîn ve tis‘a mi’e Şuhûdü’l-hâl: Ahmed b. Pîrî, Ramazan b. Mahmud, Ferruh b. Abdullah, Mehmed b. Mustafa el-muhzır, Todora b. Yorgi İskender, Kethüdâ Yorgi b. Yani, Papas Kostandin, Yani b. Yorgi, Manol b. Peru, Dimitri b. Yani ve gayrühüm