Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 285 Hüküm no: 590 Orijinal metin no: [77b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Todora b. Petro’nun Gülfam Hatun Vakfı’ndan ödünç aldığı Todora b. Petro işbu akdin kendisinden sudûruna kadar mâliki olduğu ve taht-ı tasarrufunda bulundurduğu, havâss-ı Kostantıniyye-i mahmiyye tevâbinden Akındıburnu karyesinde vâki‘, bir tarafından Kosta b. Petro mülkü, bir tarafından Dimitri b. Belvad mülkü, bir tarafından Angiliki b. Lifor mülkü, bir tarafından tarîk-ı âm ile mahdûd bahçesini ve menzilini cümle hudûdu ve hukuku ile râyicü’l-vakt bin akçe semen-i mu‘ayyen-i makbûzla kıdvetü’n-nisâi’l-muhadderât Gülfam Hatun Vakfı’na mütevellî olan Mehmed Çelebi b. Mehmed’e bey‘ ettiğini ikrâr ve i‘tirâf eyledi. O dahî vakf-ı mezbûr malıyla ve istiğlâl maksadıyla iştirâ eyledi. Mütevellî-yi mezbûr menzil-i merkūmu gurre-i şehr-i Şa‘bân’dan bir sene tamâmına râyicü’l-vakt yüz akçeye bâyi‘-i mezkûra icâreye verdi. Vâki‘ ikrâr mütevellî-yi mezbûr tarafından vicâhen ve şifâhen tasdîk edildi. Kosta b. Petro menzil-i mezbûrun derkine ve ücret-i kirâya icâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’r-râbi‘ aşara min-Muharremi’l-harâm li-sene semâne ve sittîn ve tis‘a mi’e Şuhûdü’l-hâl: Şuhûdü’l-mezbûr