Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 287 Hüküm no: 596 Orijinal metin no: [78b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meyhaneci Frankol b. Nikola’nın sermaye ortağı Yani’den 145 akçe alacağı olduğu Yevmü’l-isneyn, fî 17 Vech-i tahrîr-i sicil oldur ki Frankol b. Nikola nâm meyhâneci sâbıkā müşteriki olan Yani’yi mahfil-i şer‘a ihzâr etdikde bundan akdem mâbeynimizde müşterek olan sermâye bin üç yüz akçe İstinye’de Mumcu Polo’nun bâkī iki yüz doksan akçesini ben bî-kusûr verip teslîm etdim hâliyâ işbu Yani hissesine yüz kırk beş akçe hissesini taleb ederim deyicek mezbûr Yani hüsn-i ihtiyârı ile yüz kırk akçeyi hissesine kabûl ve zâmin olup mâ vaka‘a mezbûr Frankol talebiyle kayd olundu. Şuhûd: Şucâ‘ Bey b. Hayreddin, Ferruh b. Abdullah, Mehmed b. Mustafa el-muhzır, Lanid b. Yorgi ve gayruhüm.