Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 287 Hüküm no: 595 Orijinal metin no: [78b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu Polo b. Yorgi’nin Meyhaneci Frankol b. Nikola’dan iki yüz doksan akçe alacağını talep ettiği Yevmü’l-ehad, fî 16 Vech-i tahrîr-i sicil oldur ki İstinye’den Mumcu Polo b. Yorgi, Franko[l] b. Nikola nâm meyhâneci[yi] mahfil-i şer‘a ihzâr etdikde üzerine takrîr-i da‘vâ edip bundan akdem mahmiye-i Galata[‘da] olan dükkânım işbu Franko[l]’a ve Yani’[ye] verip bin üç yüz akçe benim ve dokuz yüz [akçe] mezbûr Franko[l]’un ve altı yüz akçe Yani’nin olup cümle akçe mezbûr dükkânda sermâye olup alıp satarlar iken meblağ-ı mezbûr[dan] merkūm akçe alıp bâkī iki yüz doksan akçe hakkım kaldı hâliyâ taleb ederim dedikde gıbbe’s-suâl mezbûr Frankol ikrâr ile cevâb verip mezkûr Yani ile mâbeynimizde hesâbımız vardır hesâb edelim dediği mezbûr Polo talebiyle kayd olundu. Tahrîren fî evâsıtı Muharremi’l-haram sene 968. Şuhûd: Ramazan b. Mahmud, Ferruh b. Abdullah, Ahmed b. Abdullah.