Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 290 Hüküm no: 602 Orijinal metin no: [79b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap İsteniko b. Karaoğlan’ın Ekmekçi Duka b. Danyel’den 550 akçe alacağı olduğu Vech-i tahrîr-i sicil oldur ki Beşiktaş’da kasab olan İsteniko b. Karaoğlan Ekmekçi Duka b. Danyel[‘i] mahfil-i şer‘a ihzâr etdikde üzerine takrîr-i da‘vâ edip bundan akdem işbu Ekmekçi Duka’ya beş yüz elli akçe vermişdim hâliyâ taleb ederim dedikde gıbbe’s-suâl mezbûr Ekmekçi Duka ikrâr ile cevâb vericek meblağ-ı merkūmun kabzına Kosta b. Yani nâm zimmîyi vekîl edip mâ vaka‘a bi’t-taleb kayd olundu. Tahrîren fî evâsıtı Muharremi’l-harâm sene 968. Şuhud: Ramazan b. Mahmud, Ferruh b. Abdullah, Mehmed b. Mustafa el-muhzır, Todora b. Yorgi, Andon b. İstemad ve gayruhüm. Yevmü’l-hamîs, fî 20, h[âlî]