.:: İstanbul Kadı Sicilleri ::.


Beşiktaş Mahkemesi 2 Numaralı Sicil (H. 966-968 / M. 1558-1561)
cilt: 42, sayfa: 289
Hüküm no: 601
Orijinal metin no: [79a-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Kosta b. Dimitri’nin İstemad b. Yorgi’ye yüz kırk beş müdre içki verdiğini şahitlerle ispat ettiği

Yevmü’l-erba‘a, fî 19

Vech-i tahrîr-i sicil oldur ki

İstemad b. Yorgi nâm [kimesne] Beşiktaşı[‘ndan] Kosta b. Dimitri’yi mahfil-i şer‘a ihzâr etdikde bundan akdem bin iki yüz elli akçe verdim yeni şıra müdresi dörder akçeye hâliyâ taleb ederim deyicek gıbbe’s-suâl mezbûr Kosta yüz kırk beş müdre verdim deyicek mezbûr İstemad elli beş müdre ikrâr bâkī[yi] inkâr edicek mezbûr Kosta’nın da‘vâsına mutâbık Manol b. Yani ve Yani b. Yorgi nâm hamallar işbu İstemad doksan müdreyi alıp Galata’da meyhâneci Yaniki’ye varıp teslîm etdi cem‘an yüz kırk beş müdre olup bu cümleyi Yorgi b. Yani verip teslîm etdiğine şâhidleriz şehâdet ederiz deyicek mezbûrların şehâdetleri hayyiz-i kabûlde vâki‘ olup bi’t-taleb kayd olundu.

Şuhûdu’l-hâl: Sadi Subaşı b. Yusuf, Ramazan b. Mahmud, Mehmed b. Mustafa el-muhzır, Ferruh b. Abdullah, Papas Dimitri b. Yani, Todora b. Yorgi ve gayruhüm.