Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 291 Hüküm no: 605 Orijinal metin no: [79b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Abdullah’ın Hasan b. Abdullah’tan bin üç yüz akçe alacağı olduğunu iddia ettiği Vech-i tahrîr-i sicil oldur ki Ahmed b. Abdullah İstanbulî nâm [kimesne] Beşiktaşı’ndan Hasan b. Abdullah’ı mahfil-i şer‘a ihzâr etdikde şimdi beş altı yıl vardır iki bin beş yüz akçeye bir Kazak esîr verip dokuz yüz akçesine duta bir câriye, üç yüz akçe nakid alıp bâkī bin üç yüz kaldı hâliyâ mezbûrdan taleb ederim dedikde gıbbe’s-suâl mezbûr Hasan ikrâr ile cevâb verip vâkı‘â bir Kazak iki bin akçe alıp bin dört yüz akçesine bir câriyeye verip üç yüz akçe nakid verdim dedikde mezbûr Ahmed bir câriye ile üç yüz akçeden gayrı nesne almadım dediği bi’t-taleb kayd olundu. Şuhûd: Ramazan b. Mahmud, Mehmed b. Mustafa el-muhzır, Hâcı Hasan b. Mehmed, Mehmed b. Ali ve gayruhüm mine’l-hâzırîn.