Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 296 Hüküm no: 618 Orijinal metin no: [81b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstinoz b. Kiryakos’un Sultan Bayezid Han Vakfı’na bâğ haracından 184 akçe borcu olduğu Vech-i tahrîr-i hurûf oldur ki Karye-i Beşiktaşı’nda sâkin olan İstinoz b. Kiryakos ile Sultân Bayezid Hân aleyhi’r-rahmetü ve’l-gufrân evkāfına kâtib olan Mustafa Çelebi zamanında dokuz yüz elli dokuz târihinde mezbûr İstinoz’un zimmetinde bâğ harâcından yüz seksen dört akçe bâc kaldı deyu câbî olan Receb b. Hasan taleb edicek defterleri görüldükde dokuz yüz elli dokuz târihinde mezbûr İstinoz’un yedinde yirmi altı dönüm bâğ bulunup zimmetinde ol târihden yüz seksen dört akçe bâkī yazılmış bulunup mezbûr İstinoz mahkemede? olmağın zimmetinde hukuk-ı vakıf kaldı deyicek molla hazretlerinin fetvâsı mûcebince mezbûr İstinoz’a beyyine lâzım gelicek beyyineden âciz olup elinde tesellüm tezkiresi dahi bulunmayıp ve karye-i mezbûre papazı dahi mezbûr İstinoz bu her zaman gaybet ederdi vermezdi deyu haber vericek mezbûr Receb’e yemîn teklîf edicek bi’l-müvâcehe mezbûr Receb yemîn billâh edip mâ-hüve’l-vâkı‘ bi’t-taleb kayd-ı sicil olundu. Havâle-i Mehmed Şuhûd: Mâ sebak