Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 296 Hüküm no: 619 Orijinal metin no: [82a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman b. Abdullah’ın Balık Emini Mustafa Çavuş’a palamut balığı bedelinden 11.480 akçe ile 1.300 adet palamut borcu olduğu Vech-i tahrîr-i hurûf oldur ki Fahrü’l-akrân Mustafa Çavuş b. Abdullah hâliyâ emîn-i mâhî olup meclis-i şer‘-i şerîfe Süleyman b. Abdullah’ı ihzâr edip ve mahzarında şöyle takrîr-i kelâm eyledi ki hâliyâ mezbûr Süleyman’da lakerda balıkdan ve palamud balığından on bir bin dört yüz seksen akçe ile bin üç yüz palamudumuz a‘lâ var hâliyâ taleb ederim deyicek mezbûr Süleyman’a suâl olucak zikr olan on bir bin dört yüz seksen akçeyi tâyi‘an ikrâr edip bin üç yüz palamud bir mikdâr azdır, nizâ‘lıdır deyu kelimât edip ve zikr olan akçeye Kömürcü David b. Yasef el-Yahudi kefîl bi’l-mâl olup mâ-hüve’l-vâkı‘ bi’t-taleb kayd-ı sicil olundu. Tahrîren fî evâhiri Cumâdelûlâ li-sene 968. Şuhûdu’l-hâl: Mevlânâ İbrahim b. Sâdık el-müezzin ve Ferruh b. Abdullah ve İskender Bey b. Abdullah, Abdi b. İsmail ve Mustafa b. Abdullah ve gayruhüm mine’l-hâzırîn.