Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 93 Hüküm no: 70 Orijinal metin no: [21a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halime Hatun bt. Abdullah’ın kocası Ahmed Bey b. Mehmed’de mehir bedelinden olan alacağının tescil ettirdiği Mahmiye-i Galata muzâfâtından kasaba-i Beşiktaş’da Cihânnümâ mahallesinde sâkine Halime Hatun bt. Abdullah mahfil-i kazâ ve mahall-i irtizâda işbu hâfızü’l-kitâb zevci Şâtır Ahmed Bey b. Mehmed muvâcehesinde ikrâr u i‘tirâf edüp mezbûr Ahmed Bey zimmetinde fıddî râyic fi’l-vakt on beş bin akçe mehr-i müeccelim olup bazı masârif-i lâzımeme harc u sarf için bir mikdârını kendiden mukaddemâ taleb [21b] ve ahz murâd edinmiş idim el-hâletü hâzihî meblağ-ı merkūm on beş bin akçenin on dört bin yedi yüz akçesini yedinden ahz u kabz edüp alâka-i zevciyyetin bekāsîçün demiş ancak üç yüz akçe hakkım bâkī kalmışdır mâ‘adâsını yedinden on dört bin yedi yüz akçe hakkımı bi’t-tamâm kabz eyledim dedikde mukırre-i merkūme Halime Hatan’u ikrâr-ı meşrûhunda zevci mersûm Şâtır Ahmed bi’l-müvâcehe tasdîk ve bi’l-müşâfehe tahkīk edicek mâ-hüve’l-vâkı‘ gıbbe ketb olundu. Hurrire fî-evâili Saferi’l-hayr li-sene isneteyn ve sittîn ve elf. Şühûdü’l-hâl: Mustafa Çelebi b. Keyvan el-Yesârî, Mehmed Çelebi b. Takyeci, Mustafa Çelebi b. Şaban, Murad Çelebi b. Mehmed Bey, Halil Çelebi Bakkal, Mustafa Çelebi b. Yakub, Mustafa b. Hasan ve gayruhüm.