Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 102 Hüküm no: 84 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şehbaz bt. Musa’nın bulunup kendisine teslim edilen bir buçuk yaşındaki Fâtıma’ya nafaka tayini Mahmiye-i Galata muzâfâtından kasaba-i Beşiktaş mahallâtından Sinanpaşa mahallesi sâkinelerinden Şehbaz bt. Musa nâm Hatun mahfil-i kazâda takrîr-i kelâm ve ta‘bîr ani’l-merâm edüp mahmiye-i mezbûreye tâbi‘ Fındıklı nâm mahalleden ismi nâ-ma‘lûm bir hatun tahmînen bir buçuk yaşında olup yedimde olan Fâtıma nâm tıflı mahalle-i mezbûrede bulup bana verip ben dahi alıp kabûl eyleyüp hâlâ kıbel-i şer‘den nafaka takdîr olunup kendi malımdan infâka izin murâd taleb ederim dedikde ber-vech-i meşrûh sagīre-i mezbûre üzerine deyn olmak üzere yevmî beşer akçe nafaka takdîr olunup kendi malından infâka izin olmağın mâ-vaka‘a bi’t-taleb ketb olundu. Fî-evâsıtı Saferü’l-hayr li-sene isneyn ve sittîn ve elf. Şühûdü’l-hâl: Mustafa Beşe b. Budak, Mehmed Beşe b. Abdullah, Mustafa Beşe b. Mehmed, Mehmed Çelebi b. Ramazan, Ali Beşe b. Abdullah. Temme’l-kelâm fî-hâze’l-makām El-fakīr Mehmed [Mühür:] Mehmed …?