Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 135 Hüküm no: 140 Orijinal metin no: [41b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Timurhan bt. Abdullah’ın kocası Mehmed ile anlaşarak boşandığı (muhâla‘a) Mahmiye-i Galata tevâbi‘inden Beşiktaş kasabası mahallâtından Sinan Paşa-yı Cedîd mahallesinde sâkine Timurhan bt. Abdullah nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup râfi‘-i hâze’l-kitâb Mehmed b. Abdullah nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt altı yüz akçe mehr-i müecceli, ilm-i şer‘î ile beynlerinde ma‘lûm nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Timurhan bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvî, eymân, mutâlebât ve muhâsamâtdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Cerâ zâlike ve hurrire fi’l-yevmi’s-sâmin aşere min-Cemâziyelâhire li-sene isneteyn ve sittîn ve elf. Şühûdü’l-hâl: Mustafa Çelebi b. Mehmed, Mehmed Çelebi b. Ali Kapudan, Mustafa Beşe b. Mehmed, Mehmed Çelebi b. el-Hâc Mahmud