Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 173 Hüküm no: 200 Orijinal metin no: [62a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Katrina bt. Nikola’nın üç yüz akçe mehir ile Yani v. Sava ile evlendiği Mahmiye-i Galata’ya tâbi‘ kasaba-i Beşiktaş’da vâki‘ Cigalazâde zindânında sâkine Katrina bt. Nikola nâm Nasrâniye mahfil-i kazâda işbu râfi‘ü’s-sifr Yani v. Sava nâm zimmî muvâcehesinde bi-tav‘ihâ ikrâr ve takrîr-i kelâm edüp nefsimi üç yüz akçe mehr-i mü’eccel üzerine mezbûr Yani’ye tezvîc edüp ol dahi ber-vech-i muharrer tezevvüc ve kabûl eyledi dedikde Nasrâniyye-i mersûmenin vech-i meşrûh üzere cârî ve sâdır olan ikrârını mezbûr Yani bi’l-müvâcehe tasdîk ve bi’l-müşâfehe tahkīk etmeğin mâ-vaka‘a bi’t-taleb ketb olundu. Tahrîren fî-selh min-Şa‘bâni’l-mu‘azzam li-sene isneteyn ve sittîn ve elf. Şühûdü’l-hâl: Yusuf Beşe b. Abdullah, Ahmed Çelebi b. Receb, Mehmed Beşe b. Ramazan, Mustafa Beşe b. Mehmed.