Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 216 Hüküm no: 268 Orijinal metin no: [80b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nefîse Hatun bt. Muslı’nın kocası Durbâli ile anlaşarak boşandığı (muhâla‘a) Mahmiye-i Galata tevâbi‘inden kasaba-i Beşiktaş mahallâtından Rum Ali mahallesinde sâkine Nefîse Hatun bt. Muslı nâm hatun meclis-i şer‘-i şerîf el-masûn ani’t-tağyîr ve’t-tahrîfe hâzıra olup hâmil-i hâze’l-kitâb Durbâli b. Zülfikār nâm zevci ile muhâla‘a ettiğini ikrâr eyledi. Zevc-i mezbûr dahi nikâhında ma‘kūdün-aleyh râyicü’l-vakt bin akçe mehr-i müecceli, ilm-i şer‘î ile beynlerinde ma‘lûm nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Nefîse Hatun bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvî, eymân, mutâlebât ve muhâsamâtdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Cerâ zâlike ve hurrire fi’l-yevmi’s-sâmin min-Zilka‘deti’ş-şerîfe li-sene isneteyn ve sittîn ve elf. Şühûdü’l-hâl: Ali Bey b. Kemal, Ramazan b. Zülfikār, Ahmed Çelebi b. Ahmed, Ahmed Çelebi b. İbrahim ve gayrühüm