.:: İstanbul Kadı Sicilleri ::.


Anadolu Sadâreti Mahkemesi 2 Numaralı Sicil (H. 1251-1257/ M. 1835-1841)
cilt: 94, sayfa: 205
Hüküm no: 157
Orijinal metin no: [44a-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Ayşe Hatun’un kendisine küfredilmesiyle ilgili davasından vazgeçmesi

Medîne-i Üsküdar’a muzâfe Gekbüze nevâhîsinden Yoros nâhiyesine tâbi‘ Dereseki karyesinde sâkine sâhibe-i arzuhâl mu‘arrefetü’z-zât Âişe bt. Abdullah nâm hatun Bâb-ı hazret-i fetvâ-penâhîde Anadolu mutasarrıfları dâ‘îlerine tahsîs buyurulan dâirede ma‘kūd meclis-i şer‘-i münîrde derûn-ı arzuhâlde mezkûrü’l-ism Ekmekçi es-Seyyid İbrahim b. es-Seyyid Ali nâm kimesne muvâcehesinde mezbûr es-Seyyid İbrahim işbu târîh-i i‘lâm-ı şehrînin sekizinci günü karye-i mezkûrede câmi‘-i şerîf pîş-gâhında bana bi-gayr-ı hakkın bre ağzına filan ettiğim deyü necâset lafzıyla şetm etmekle mûcib-i şer‘îsini taleb ederim deyü mezbûr es-Seyyid İbrahim’in inkârına mukārin bundan akdem da‘vâya tasaddî etmiş idim. El-hâletü hâzihî ben tasaddî eylediğim da‘vâ-yı mezkûrumdan rızâmla fâriğa olmamla bi’l-cümle husûs-ı mezkûre müte‘allika da‘vâdan merkūm es-Seyyid İbrahim’i kabûlü hâvî ibrâ ve iskāt eyledim deyü ikrâr ve tasdîkleri tescîl ve huzûr-ı [âlîlerine i‘lâm olundu].

Fî-selhi Zilhicce sene [12]56.