Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 153 Hüküm no: 108 Orijinal metin no: [16b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yedikule’de Bahçıvan Kostandi’nin satın aldığı bahçe gediğine ait yanan hüccetinin yenilenmesi Bu dahi kezâlik bâlâdakinin aynıdır, iki sehm iki kıt‘a hüccet ile Kostandi zimmînin üzerindedir, ihrâc olundukda hüccet ikidir. Kezâlik dört sehm i‘tibârıyla Peratmoz ve Eci Sanya ve Praşkova ve Abraham evlâd-ı Ezraya nâm zimmîlerin ale’l-iştirâki’s-seviyy yedlerinde mülkleri iken merkūm Praşkova zimmî mârrü’z-zikr gedik ta‘bîr olunan eşcâr ve enginâr ve nâne fidanları ve sâir âlât-ı lâzıme-i ma‘lûmede i‘tibâr-ı merkūm üzere olan bir sehmini işbu sene-i mübâreke Ramazan-ı şerîfin onuncu günü altı yüz seksen guruş semen-i medfû‘ ve makbûza safka-i vâhide ile bâ-hüccet-i şer‘iye bana bâtten bey‘ ve temlik ve teslîm ve ben dahi ber-vech-i muharrer iştirâ ve temellük ve tesellüm ve kabûl edip ol-vechile mârrü’z-zikr gedik ta‘bîr olunan eşcâr ve enginâr ve nâne fidanları ve sâir âlât-ı lâzıme-i ma‘lûmenin rub‘ hissesi benim mülk-i müşterâm olup lâkin ilâ-âhirihî. Fî 27 Zilka‘de sene 1196 Şühûdü’l-hâl: Şâhidûn-ı sâbıkūn.