Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 154 Hüküm no: 110 Orijinal metin no: [17a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap İlyas mahallesinden Fatma bt. İbrahim’in kocasından boşanması Muhâla‘a Mahmiye-i İslâmbol’da Kasab İlyas mahallesinde sâkine ve zâtı vech-i şer‘î üzere mu‘arrefe olan Semmur? Fatıma bt. İbrahim nâm hatun meclis-i şer‘-i şerîf-i enverde zevc-i dâhili işbu bâ‘isü’l-kitâb Mehmed b. Süleyman nâm kimesne mahzarında ikrâr ve takrîr-i kelâm edip mezbûr Mehmed zevcim olup lâkin beynimizde hüsn-i mu‘âşeretimiz olmayıp ben hul‘a tâlibe olduğum ecilden zevcim mezbûrun zimmetinde mütekarrer ve ma‘kūdun-aleyh olan bin beş yüz akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Mehmed ile muhâla‘a-i sahîha-i şer‘iye ile hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete müte‘allika âmme-i de‘âvî [ve kâffe-i] mutâlebâtdan herbirimiz âharın zimmetini ibrâ ve ıskāt edip herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a bi’t-taleb. Fî-gurre-i Zilhicceti’ş-şerîfe sene 1196 Şühûdü’l-hâl: Hafız el-Hâc Mehmed b. Ömer, Molla Ali b. Halil, Molla Mehmed b. Mustafa, Hacı Hasan b. Osman.