Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 173 Hüküm no: 138 Orijinal metin no: [20M/a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dülbentçi mahallesinden Kara Mustafa’nın kayıkçı gediğini Tulayina v. Kazer’e satması Kayıkçı gediği mübâya‘ası Mahmiye-i İslâmbol’da Kumkapı dâhilinde Dülbendçi mahallesinde sâkin Kara Mustafa b. Abdullah nâm kimesne meclis-i şer‘-i şerîf-i enverde işbu bâ‘isü’r-rakīm Tulayina v. Kazer nâm zimmî muvâcehesinde ikrâr ve takrîr-i kelâm edip yedimde mülküm olup mahmiye-i mezbûrede Langa Yenikapısı hâricinde beyne’l-hıref kayıkçı gediği ta‘bîr olunur dört felenk ve bir kızağımı tarafeynden îcâb ve kabûlü hâvî bey‘-i kat‘î ve safka-i vâhide ile merkūm Tulayina zimmîye otuz guruşa bey‘ ve temlik ve teslîm eylediğimde ol dahi ber-vech-i muharrer iştirâ ve temellük ve tesellüm ve kabûl eyledikden sonra semeni olan meblağ-ı mezbûr otuz guruşu merkūm Tulayina zimmî yedinden tamamen ahz ü kabz eyledim, ba‘de’l-yevm mârrü’z-zikr gedik ta‘bîr olunan eşyâ-i muharrere-i mezkûrede benim kat‘a [alâka] ve medhalim kalmayıp merkūm Tulayina zimmînin mülk-i müşterâsı ve hakk-ı sarfı olmuşdur dedikde gıbbe’t-tasdîki’ş-şer‘î. Fî 24 Z sene 1196 Şühûdü’l-hâl: Mehmed Ağa b. Ahmed Kethudâ, el-Hâc Yusuf b. Abdullah, Mehmed b. Mahmud, İsmail b. Ahmed, Ahmed b. Mehmed, Molla Ali b. Halil, Eyüb Beşe b. Ali ve gayruhum.