Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 180 Hüküm no: 146 Orijinal metin no: [21b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yakub Ağa mahallesinden Hayriye bt. Abdullah’ın nafaka ve ihtiyaçlarının karşılanması karşılığı Fatma bt. Halil’in evinde çalışması Îcâr ve istîcâr Mahmiye-i İslâmbol’da Sultan Bâyezid-i Veli -tâbe serâhû- câmi‘-i şerîfi kurbünde sekbânbaşı Yakub Ağa mahallesinde sâkine takrîben on dört yaşında olup cüssesinin dahi bulûğa tahammülü olmağla rü’yet-i dem-i hayzla bulûğunu mu‘terife ve zâtı mu‘arrefe olan Hayriye bt. Abdullah nâm mühtediye meclis-i şer‘-i şerîf-i enverde yine mu‘arrefetü’z-zât işbu bâ‘isetü’l-kitâb Fatıma bt. Halil nâm hatun mahzarında ikrâr ve takrîr-i kelâm edip ben garîbetü’d-diyâr olmamla mezbûre Fatıma Hatun merhameten beni yanına alıp menzili hizmetinde istihdâm etmekle ben dahi mezbûre Fatıma Hatun menzilinde hizmet etmek içün târih-i kitâbdan küllü yevm dörder para ücret tesmiyesiyle nefsimi mezbûre Fatıma Hatun’a îcâr ve teslîm ve ücret-i müsemmâ-yı mezkûremi benim nafaka ve kisveme harc ü sarfa emr ve tarafımdan tevkîl eylediğimde ol dahi ber-vech-i muharrer istîcâr ve tesellüm ve kabûl ve ücret-i mezkûremi ber-minvâl-i muharrer benim nafaka ve kisveme harc ü sarfa ta‘ahhüd eyledi dediğini mezbûre Fatıma Hatun tasdîk etmeğin mâ-vaka‘a bi’t-taleb ketb olundu. Fî 4 Muharrem sene 1197 Şühûdü’l-hâl: Es-Seyyid el-Hâc Mustafa b. Ahmed, Berber Seyyid İbrahim, İmâm vekîli Mehmed Efendi, Molla Ali b. Halil, Mustafa b. Mustafa, Hacı Hasan b. Osman.