Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 240 Hüküm no: 230 Orijinal metin no: [33b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahimpaşa mahallesinden Zehra bt. Mehmed’in kocasından boşanması Ale’l-haml muhâla‘a Mahmiye-i İslâmbol’da Silivrikapısı dâhilinde İbrahim Paşa mahallesinde sâkine ve zâtı vech-i şer‘î üzere mu‘arrefe olan Zehra bt. Mehmed nâm hatun meclis-i şer‘-i şerîf-i enverde zevc-i dâhili işbu bâ‘isü’l-kitâb Mehmed Beşe b. Mustafa nâm kimesne mahzarında ikrâr ve takrîr-i kelâm edip zevcim mezbûrun firâşından hâsıl hamlim olduğu hâlde beynimizde hüsn-i mu‘âşeretimiz olmayıp zimmetinde mütekarrer ve ma‘kūdun-aleyh olan iki bin akçe mehr-i müeccelim ve nafaka-i hamlim üzerlerine ve meûnet-i süknâm dahi kendi üzerime olmak üzere zevcim mezbûr Mehmed Beşe ile muhâla‘a-i sahîha-i şer‘iye ile hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete müte‘allika âmme-i de‘âvî ve kâffe-i mütâlebâtdan herbirimiz âharın zimmetini ibrâ ve ıskāt edip herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a. Fî 21 S sene 1197 Şühûdü’l-hâl: Molla Ali b. Halil, Salih b. Halil, Hacı Hasan b. Osman, Mustafa b. Mustafa.