Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 105 Hüküm no: 110 Orijinal metin no: [26a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maltepe ve tevabii mukataasının Mehmed Emin Ağa’ya iltizam olunduğu Bâ‘is-i tahrîr-i hurûf budur ki Hâlâ ber-vech-i mâlikâne mutasarrıf olduğum Maldepe ve tevâbi‘i mukāta‘asının işbu bin yüz seksen bir senesi Martı ibtidâsından Şubat’ı gāyetine gelince bir sene-i kâmile iltizâmen zabt ve ta‘şîrine tâlib ve râgıb işbu dârende-i temessük Mehmed Emin Ağa’ya der-uhde ve iltizâm olunup ol dahi tefevvüz ve iltizâm etmekle işbu zabtnâme tahrîr ve i‘tâ olundu gerekdir ki mukāta‘a-i mezbûreyi sene-i mezbûre Martı ibtidâsından Şubat’ı gāyetine gelince bir sene-i kâmile zabt ve ta‘şîr edüp a‘şâr-ı şer‘iye ve rüsûm-ı örfiye ve tapu-yı zemîn ve kaçgun ve bâd-ı hevâ ne vechile ahz oluna gelmiş ise merkūm dahi ol vechile bir nisbet üzere ahz ü tahsîle tarafımızdan ve taraf-ı âhardan bir ferd mâni‘ ve müdâhale olmaya. El-fakīr Arif Ali Bey Mutasarrıf-ı Vakf-ı mezbûr.