Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 104 Hüküm no: 109 Orijinal metin no: [25b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dergâh-ı âlî yeniçerilerinden Hasan’ın bir seneliğine yasakçı tayin olunduğu Hâlâ Pendik kādısı izzetlü, fazîletlü efendi hazretlerinin huzûrlarına mezîd-i i‘zâz ithâfından sonra inhâ-i muhibbâmız [muhibbânemiz] oldur ki kadîmü’l-eyyâmdan bâ-hatt-ı hümâyûn-ı şevket-makrûn Dergâh-ı âlî yeniçerilerine postal-baha ta‘yîn ve ihsân buyrulan kollukdan hâlâ taht-ı hükûmetinizde vâki‘ yasakçı olan ref‘ olunup yerine üslûb-ı sâbık üzere Dergâh-ı âlî yeniçerilerinden Hasan yoldaş işbu bin yüz seksen bir senesi mâh-ı Şa‘bân gurresinden senesi tamâmına değin yalnız bir değnek verilüp yasakçı ve zâbit nasb ü ta‘yîn olunmağın işbu mektûb tahrîr ve irsâl olundu vusûlünde gerekdir ki merkūmu yasakçılık umûrunda kıyâm ve istihdâm eyleyüp âharı müdâhale etdirmeyüp tarafınıza mürâca‘at eylediği umûr [u] husûslarında bi-hasebi’ş-şer‘ ve kānûn üzere i‘ânet eyleyüp hilâf-ı şer‘ ve mugāyir-i kānûn bir kimesneye rencîde ve remîde etdirmeyesin. Tahrîren fi’t-târîhi’l-mezkûr Kethüdâ Yusuf