Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 502 Hüküm no: 577 Orijinal metin no: [83b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bıçak yarası sonucu vefat eden Süleyman b. Salih’in cesedinin keşfi için evine gidildiği Sâdır olan fermân-ı âlîlerine imtisâlen derûn-ı arzuhâlde mezkûrü’l-ism olup bundan akdem cerîhan fevt olan es-Seyyid Süleyman b. es-Seyyid Salih’in keşfi içün Davudpaşa Mahkemesi’nden meb‘ûs Kâtib Ahmed Efendi dâ‘îleri asesbaşı ve subaşı kulları ma‘rifetleriyle mahmiye-i İslâmbol’da el-Hâc Hamza mahallesinde vâki‘ müteveffâ-yı mezbûrun hayatında sâkin olduğu menzile varıp müteveffâ-yı mezbûrun a‘zâsına nazar eylediklerinde müteveffâ-yı mezbûr es-Seyyid Süleyman sağ ketifinin tahtında bir yerinden bıçak yarasıyla mecrûh ve sağ memesi üzerinden nüfûz eylediği hâlde fevt olduğunu mezbûr dâ‘îleri mahâllinde keşf ve mu‘âyene ve gelip alâ-vukū‘ıhî inhâ ve takrîr eylediği bi’l-iltimâs huzûr-ı âlîlerine i‘lâm olundu. Fî 15 min-Şevvâl sene 1196