Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 502 Hüküm no: 576 Orijinal metin no: [83b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer Beşe’nin Seyyid Ali’ye borcu olduğu İşbu bâ‘isü’l-i‘lâm Seyyid Ali b. Osman Davudpaşa mahallesinde meclis-i şer‘de Ömer Beşe b. Memiş mahzarında bundan akdem mezbûr Ömer Beşe zimmetinde mâl-ı şirketden yirmi iki guruş on para alacak hakkım olmağla hâlâ taleb ederim deyü da‘vâ etdikde ol dahi cevâbında fi’l-vâki‘ kaziyye vech-i muharrer üzere olduğunu ikrâr ve i‘tirâf etmeğin mûcebince meblağ-ı mezbûr yirmi iki guruş on parayı müdde‘î-i mezbûr es-Seyyid Ali’ye edâ ve teslîme mezbûr Ömer Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 5 min-Şevvâl sene 1196