Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 508 Hüküm no: 589 Orijinal metin no: [84b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Raziye bt. Ahmed ile Rukiye bt. Hasan arasındaki alacak davasına sulh bedeli karşılığı son verildiği Zâtı mu‘arrefe olan Râziye bt. Ahmed nâm hatun Mumcu Mustafa kulları mübâşeretiyle Davudpaşa Mahkemesi’ne ihzâr etdirdiği kezâlik zâtı mu‘arrefe Rukiye bt. Hasan nâm hatun mahzarında târih-i i‘lâmdan altı ay mukaddem mezbûre Rukiye yedimden iştirâ ve kabz eylediği üç gömleklik penbe-zâr bahâsından zimmetinde yirmi bir guruş alacak hakkım olmağla hâlâ taleb ederim deyü eylediği da‘vâsından bâ-vesâtet-i muslihîn mezbûre Rukiye Hatun ile on beş guruş üzerine sulh olup mâ‘adâ altı guruşa müte‘allika da‘vâdan mezbûre Rukiye Hatun’un zimmetini ibrâ ve ıskāt eyledikde ol dahi sulh ve ibrâsını ba‘de’l-kabûl mûcebince bedel-i sulh-ı mezkûr on beş guruşu bi’t-taleb müdde‘iye-i mezbûre Râziye Hatun’a edâ ve teslîme mezbûre Rukiye Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 29 Şevvâl sene 1196