Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 507 Hüküm no: 588 Orijinal metin no: [84b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman b. Mehmed’in emaneten Mehmed Emin’e verdiği eşyalar yangında yok olduğundan geri istememesi gerektiği İşbu bâ‘isü’l-i‘lâm Süleyman b. Mehmed nâm kimesne Davudpaşa Mahkemesi’nde meclis-i şer‘de es-Seyyid Mehmed Emin b. es-Seyyid Osman mahzarında bundan akdem mezbûr es-Seyyid Mehmed Emin’e bi-tarîki’l-emâne def‘ ve teslîm eylediğim bir dolab içinde mevcûd mecmû‘u yetmiş guruş kıymetli eşyâ-i mütenevvi‘a-i ma‘lûmemi mezbûr es-Seyyid Mehmed Emin’den hâlâ taleb ederim [deyü] da‘vâ etdikde ol dahi cevâbında ber-vech-i muharrer ikrâr lâkin zikr olunan dolab bu esnâda vâki‘ olan harîk-i kebîrde bilâ-ta‘ad muhterik ve zâyi‘ oldu deyücek mezbûr es-Seyyid Mehmed Emin husûs-ı mezkûrda yemînle tasdîk olunur ümenâdan olmağla fi’l-hakīka mezbûr es-Seyyid Mehmed Emin üzerine red ve zamandan nesne lâzım gelmediğine mezbûr es-Seyyid Mehmed Emin ba‘de’t-tahlîfi’ş-şer‘î mûcebince müdde‘î-i mezbûr Süleyman zikr olunan dolab mutâlebesiyle mezbûr es-Seyyid Mehmed Emin’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 9 Şevvâl sene 1196