Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 510 Hüküm no: 594 Orijinal metin no: [85a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Hüseyin’in evinde fuzuli olarak oturan kayınvalidesi Rukiye’nin Cuma günleri hariç eve gelmeyeceğine dair taahhüdü İslâmbol’da Koca Mustafa Paşa mahallesinde sâkin es-Seyyid Ali b. Hüseyin nâm kimesne Davudpaşa Mahkemesi’nde meclis-i şer‘de kayınvâlidesi zâtı mu‘arrefe Rukiye bt. Mehmed nâm işbu hâzıratü bi’l-meclis Fatıma bt. Ali nâm hatunun vâlidesi olmağla dâimâ benim mahalle-i mezbûrede vâki‘ menzilimde fuzûlî sâkine olmağla menzil-i mezkûrdan çıkıp âhar mahalle nakle tenbîh olunmak murâdımdır deyü ve mezbûre Rukiye dahi fîmâ-ba‘d yevm-i cum‘adan mâ‘adâ eyyâmda dâmâdı müdde‘î-i mezbûrun menziline gelmemek üzere ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 15 Zilka‘de sene 1196