Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 511 Hüküm no: 596 Orijinal metin no: [85a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nalbur Mustafa’nın ortaklıktan ayrılan Mehmed Sıdkı’ya olan borcunu ödemesi İşbu bâ‘isü’l-i‘lâm Mehmed Sıdkı b. el-Hâc Mehmed nâm kimesne Davudpaşa Mahkemesi’nde meclis-i şer‘de Mustafa b. Halil nâm kimesne mahzarında bundan akdem mezbûr Mustafa ile na‘lburluk ticâretinde şerîkler olup târih-i i‘lâmdan bir gün mukaddem mezbûr ile fesh-i akd-i şirket birle yedimizde mevcûd olan enser ve sâir eşyâ-i mütenevvi‘a-i ma‘lûmeden hissemi mezbûr Mustafa’ya otuz üç guruşa bey‘ ve temlik ve teslîm eylediğimde ol dahi ba‘de’l-iştirâ ve’t-temellük ve’t-tesellüm ve’l-kabûl semen-i mezkûr otuz üç guruş mezbûr Mustafa zimmetinde kalmağla hâlâ teleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mezbûr otuz üç guruşun edâsıyla mezbûr Mustafa ilzâm olunduğu bi’l-iltimâs huzûr-ı âlîlerine i‘lâm olundu. Fî 18 Zilka‘de sene 1196