Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 511 Hüküm no: 597 Orijinal metin no: [85a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostandi v. Petro’nun çalıştığı Kartaş v. Aleksandi’ye ait iş yerinden bir seneyi doldurmadan ayrılmaması Dülger tâifesinden Kartaş v. Aleksandri nâm zimmî Davudpaşa Mahkemesi’nde meclis-i şer‘de Kostandi v. Petro nâm zimmî muvâcehesinde bundan akdem merkūm Kostandi zimmî altı ayda otuz beş guruş ücret tesmiyesiyle nefsini bana îcâr ve teslîm ve ben dahi ber-vech-i muharrer istîcâr ve tesellüm ve kabûl edip hâlâ merkūm Kostandi zimmî benden bi-gayrı vechin müfârakat murâd etmekle müddet-i merkūmeyi tekmîl etmek üzere merkūm Kostandi zimmîye tenbîh olunmak murâdımdır deyü ba‘de’d-da‘vâ ve’l-istintâk merkūm Kostandi zimmî dahi ber-vech-i muharrer ikrâr ve i‘tirâf etmeğin mûcebiyle müddet-i merkūme hizmetini tekmîl etmek üzere merkūm Kostandi zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 20 Zilka‘de sene 1196