Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 514 Hüküm no: 604 Orijinal metin no: [85b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alifakih mahallesinden Ömer b. İbrahim ile evlenen on üç yaşındaki Münire’nin zevce muamelesinden kaçınmaması Mahmiye-i İslâmbol’da Ali Fakih mahallesinde sâkin es-Seyyid Ömer b. İbrahim nâm kimesne Davudpaşa Mahkemesi’nde meclis-i şer‘de zevce-i menkûhası olup Mumcu Ali kulları mübâşeretiyle mahkeme-i merkūmeye ihzâr etdirdiği takrîben on üç yaşında ve cüssesinin dahi bulûğa tahammülü olmağla bulûğunu mu‘terife olan mu‘arrefetü’z-zât Minure bt. Mehmed nâm bikr-i bâliğa mahzarında mezbûre târih-i i‘lâmdan üç gün mukaddem rü’yet-i dem-i hayzla bulûğunu mu‘terife olduğu hâlde mahalle-i mezbûrede vâki‘ menzilimde on guruş mehr-i müeccel tesmiyesiyle nefsini şühûd mahzarında bana tezvîc ve ben dahi tezevvüc ve kabûl edip zevce-i menkûham olmuş iken hâlâ benimle ezvâc mu‘âmelesinden ibâ ve imtinâ‘ eder deyü da‘vâ, mezbûre Minure dahi ber-vech-i muharrer ikrâr ve i‘tirâf etmeğin mûcebiyle mezbûre Minure zevci müdde‘î-i mezbûr Seyyid Ömer ile ezvâc mu‘âmelesine tenbîh olunduğu bi’l-iltimâs huzûr-ı âlîlerine i‘lâm olundu. Fî 22 Zilka‘de sene 1196