Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 518 Hüküm no: 612 Orijinal metin no: [86a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Nikola ile Kosta v. Dimitri’nin Asator v. Manok’tan alacakları duvarcılık ücreti konusunda anlaştıkları Duvarcı tâifesinden Yorgi v. Nikola ve Kosta v. Dimitri nâm zimmîler Davudpaşa Mahkemesi’nde meclis-i şer‘de Asator v. Manok nâm zimmî muvâcehesinde bundan akdem merkūm Asator zimmî zimmetinde duvarcılık ücretinden bâkī on iki buçuk guruş alacak hakkımız olmağla hâlâ taleb ederiz deyü eyledikleri da‘vâlarından bâ-vesâtet-i muslihîn merkūm Asator zimmî ile yedi buçuk guruş bedel-i makbûza sulh olup mâ‘adâ beş guruşa müte‘allika da‘vâdan merkūm Asator zimmînin zimmetini ibrâ ve ıskāt eylediklerinde ol dahi sulh ve ibrâlarını kabûl eylediği ba‘de’t-tescîl bi’l-iltimâs huzûr-ı âlîlerine i‘lâm. Fî 5 min-Zilhicceti’ş-şerîfe sene 1196