Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 518 Hüküm no: 611 Orijinal metin no: [86a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe’nin Anaştaş v. Mihal’e vermesi gereken sıvacılık ücretini ödemesi Sıvacı tâifesinden Anaştaş v. Mihal nâm zimmî Davudpaşa Mahkemesi’nde meclis-i şer‘de Ahmed Beşe b. Mahmud mahzarında bundan akdem mezbûr Ahmed Beşe’nin İslâmbol’da Seyyid Ömer mahallesinde vâki‘ bir bâb muhterik menzilinde beher yevm birer guruş ücret tesmiyesiyle sekiz gün sıvacılık etmemle müddet-i merkūmede sebk eden hizmetimin ücret-i müsemmâsı olan sekiz guruşun iki guruşunu ahz ü kabz altı guruşu zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâ[k] mezbûr Ahmed Beşe dahi cevâbında ikrâr lâkin müdde‘î-i merkūm Anaştaş zimmî kabzını mu‘terif olduğu meblağ-ı mezbûr iki guruşdan mâ‘adâ üç guruş dahi teslîm edip zimmetimde ancak üç guruş deynim bâkī kalmış idi deyü ba‘de’d-def‘ ve’l-inkâr mezbûr Ahmed Beşe def‘-i mezkûrunu beyândan âciz ve talebiyle müdde‘î-i merkūm Anaştaş zimmî ba‘de’t-tahlîfi’ş-şer‘î mûcebiyle meblağ-ı mezbûr altı guruşu müdde‘î-i merkūm Anaştaş zimmîye edâ ve teslîme mezbûr Ahmed Beşe’ye tenbîh. Fî 13 min-Z sene 1196