Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 519 Hüküm no: 614 Orijinal metin no: [86b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kör Yorgi’nin Yorgi v. Yani’den alacağı konusunda anlaşmaya vardıkları Bakkāl tâifesinden Kör Yorgi v. Dimitri nâm zimmî Davudpaşa Mahkemesi’nde meclis-i şer‘de diğer Yorgi v. Yani nâm zimmî muvâcehesinde bundan akdem merkūm diğer Yorgi zimmî zimmetinde cihet-i deyn-i şer‘îden yetmiş guruş alacak hakkım olmağla hâlâ taleb ederim deyü eylediği da‘vâsından bâ-vesâtet-i muslihîn merkūm diğer Yorgi zimmî ile elli guruş üzerine sulh olup mâ‘adâ yirmi guruşa müte‘allika da‘vâdan merkūm diğer Yorgi zimmînin zimmetini ibrâ ve ıskāt eyledikde ol dahi sulh ve ibrâsını ba‘de’l-kabûl mûcebince bedel-i sulh-ı merkūm elli guruşu bi’t-taleb müdde‘î-i merkūm Kör Yorgi zimmîye edâ ve teslîme merkūm diğer Yorgi zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 16 Zilhicce sene 1196