Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 519 Hüküm no: 615 Orijinal metin no: [86b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tanaş v. Koco’nun Hıristo v. Yorgi’den alacağından vazgeçtiği Bâ‘isü’l-i‘lâm Tanaş v. Koco nâm [zimmî] Davudpaşa Mahkemesi’nde meclis-i şer‘de Hıristo v. Yorgi nâm zimmî muvâcehesinde bundan akdem merkūm Hıristo zimmîye bi-tarîki’r-rüşvet def‘ ü teslîm eylediğim üç guruşu zimmî-i merkūmdan hâlâ taleb ederim deyü eylediği da‘vâsından meccânen fâriğ olup husûs-ı mezkûra müte‘allika da‘vâdan merkūm Hıristo zimmînin zimmetini ibrâ ve ıskāt eyledikde ol dahi merkūm Tanaş zimmîden eylediği bir aylık ecr-i misil da‘vâsından meccânen fâriğ olup mutâlebesine müte‘allika da‘vâdan merkūm Tanaş zimmînin zimmetini ibrâ ve ıskāt edip her biri âharın ibrâsını kabûl eylediği ba‘de’t-tescîl bi’l-iltimâs huzûr-ı âlîlerine. Fî ( ) min-Zilhicce sene 1196