Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 521 Hüküm no: 620 Orijinal metin no: [87a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. İsmail’in küçük kızının sütannesi Ayşe’nin alacağı konusunda anlaşmaya vardığı İslâmbol’da Aydın Kethudâ mahallesinde sâkine ve zâtı mu‘arrefe Âişe bt. Abdullah nâm murzi‘a Davudpaşa Mahkemesi’nde meclis-i şer‘de Ahmed b. İsmail nâm kimesne mahzarında bundan akdem mezbûr Ahmed’in talebi ve beher şehr dörder guruş ücret kavliyle târih-i i‘lâm şehri gurresine gelince mezbûr Ahmed’in sulbiye sagīre kızı Âişe’yi bir sene irzâ‘ etmemle müddet-i mezkûrede müctemi‘ olan kırk sekiz guruş ücret-i müsemmâmın on guruşunu yedinden ahz ü kabz ve bâkī otuz sekiz guruşunu dahi hâlâ taleb ederim deyü tesaddî eylediği da‘vâsından bâ-vesâtet-i muslihîn mezbûr Ahmed ile on bir guruş bedel-i makbûza sulh olup mâ‘adâ yirmi yedi guruşa ve bi’l-cümle husûs-ı mezkûra müte‘allika da‘vâdan mezbûr Ahmed’in [zimmetini] ibrâ ve ıskāt eyledikde ol dahi sulh ve ibrâsını kabûl eylediği bi’l-iltimâs huzûr-ı âlîlerine i‘lâm olundu, bâkī. Fî 26 min-Z sene 1196