Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 527 Hüküm no: 632 Orijinal metin no: [88a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüb b. Hasan’ın İsmail b. İsmail’e olan borcunu ödemesi Bâ‘isü’l-i‘lâm İsmail b. İsmail nâm kimesne Davudpaşa Mahkemesi’nde meclis-i şer‘de Eyüb b. Hasan mahzarında bundan akdem mezbûr Eyüb zimmetinde cihet-i karzdan otuz guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk ol dahi cevâbında ber-vech-i muharrer ikrâr lâkin meblağ-ı mezbûr otuz guruşu kendüye tamamen edâ ve teslîm etmiş idim deyü eylediği def‘ini beyândan ızhâr-ı acz edip talebiyle mezbûr İsmail ba‘de’t-tahlîfi’ş-şer‘î mûcebiyle meblağ-ı mezbûr otuz guruşu müdde‘î-i mezbûr İsmail’e edâ ve teslîme mezbûr Eyüb’e tenbîh olunduğu bi’l-iltimâs huzûr-ı âlîlerine i‘lâm olundu. Fî 8 Muharrem sene 1197