Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 532 Hüküm no: 643 Orijinal metin no: [88b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiryako v. Peratmoz’un aldığı arpanın parasını Arpacı Süleyman’a ödediğinden başka borcu olmadığı Arpacı tâifesinden Süleyman b. Ali nâm kimesne Davudpaşa Mahkemesi’nde meclis-i şer‘de Kiryako v. Peratmoz nâm zimmî muvâcehesinde bundan akdem merkūm Kiryako zimmî beher keyli yirmi beşer paraya olmak üzere yedimden iştirâ ve kabz eylediği yirmi keyl arpa semeninden zimmetinde on iki buçuk guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr Süleyman ber-vech-i muharrer müdde‘âsını beyândan ızhâr-ı acz edip talebiyle merkūm Kiryako zimmî ba‘de’t-tahlîfi’ş-şer‘î mûcebince müdde‘î-i mezbûr Süleyman meblağ-ı mezbûr on iki buçuk guruş mutâlebesiyle merkūm Kiryako zimmîye bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 25 Muharrem sene 1197