Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 538 Hüküm no: 655 Orijinal metin no: [89b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arabacı Bayezid mahallesinden Şerife Ayşe’nin eski eşi Mehmed’e olan borcunu ödemesi İslâmbol’da Arabacı Bâyezid mahallesinde sâkin sâhib-i arzuhâl es-Seyyid el-Hâc Mehmed b. es-Seyyid el-Hâc Abdullah Davudpaşa Mahkemesi’nde meclis-i şer‘de sâbıkā zevcesi olup derûn-ı arzuhâlde mezkûretü’l-ism olan zâtı mu‘arrefe olan Şerife Âişe bt. Mehmed nâm hatun mahzarında mezbûre Şerife Âişe Hatun zimmetinde mukaddemâ yedimden müstedân ve makbûz cihet-i deyn-i şer‘îden yirmi dokuz buçuk guruş alacak hakkım olmağla hâlâ taleb ederim deyü eylediği da‘vâsından bâ-vesâtet-i muslihîn mezbûre Şerife Âişe Hatun ile on beş guruş üzerine sulh olup mâ‘adâ on dört buçuk guruşa ve bi’l-cümle husûs-ı mezkûra müte‘allika âmme-i de‘âvîden mezbûre Şerife Âişe Hatun’un zimmetini ibrâ ve ıskāt eyledikde ol dahi sulh ve ibrâsını ba‘de’l-kabûl mûcebince bedel-i sulh-ı mezkûr on beş guruşu müdde‘î-i mezbûr es-Seyyid el-Hâc Mehmed’e bi’t-taleb edâ ve teslîme mezbûre Şerife Âişe Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 12 S sene 1197