Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 538 Hüküm no: 654 Orijinal metin no: [89b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Oseb v. Vartan’ın Meyrem bt. Artin’e olan borcuna kefil bulunan Sarraç Abkar’ın borcu ödemesi Şahsı mu‘arrefe olan Meyrem bt. Artin nâm Nasrâniye Davudpaşa Mahkemesi’nde meclis-i şer‘de Sarrâc Abkar v. Artin nâm zimmî muvâcehesinde hâzır bi’l-meclis Oseb v. Vartan nâm zimmî zimmetinde cihet-i karzdan altmış yedi guruş alacak hakkıma merkūm Abkar zimmî tarafeynden emr ve <> kabûlü hâvî kefâlet-i sahîha ile kefîl ve zâmin olmağla meblağ-ı mezbûr altmış yedi guruşu merkūm Abkar zimmîden kefâletine binâen hâlâ taleb ederim deyü eylediği da‘vâsından bâ-vesâtet-i muslihîn merkūm Abkar zimmî ile altmış guruş üzerine sulh olup mâ‘adâ yedi guruşa müte‘allika da‘vâdan merkūm Abkar zimmînin zimmetini ibrâ ve ıskāt eyledikde ol dahi sulh ve ibrâsını ba‘de’l-kabûl bedel-i sulh-ı merkūm altmış guruşu müdde‘iye-i mersûme Meyrem Nasrâniyeye bi’t-taleb edâ ve teslîme merkūm Abkar zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 10 min-Safer sene 1197