Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 541 Hüküm no: 662 Orijinal metin no: [90a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. İsmail’in Kuyumcu Ohannes’e emanet verdiği mücevherler konusunda sulh bedeli karşılığı anlaşmaya vardıkları İslâmbol’da Silivrikapısı dâhilinde İbrahim Paşa mahallesinde sâkin es-Seyyid Mehmed b. es-Seyyid İsmail nâm kimesne Davudpaşa Mahkemesi’nde meclis-i şer‘de Kuyumcu Ohannes v. Mıgırdıç nâm zimmî muvâcehesinde bundan akdem mâlımdan elmas taşlı bir çiçek ile bir buçuk miskāl altınımı merkūm Ohannes zimmîye rehin ve teslîm ol dahi yedimden ahz ü kabz eyledikden sonra zikr olunan çiçeği merkūm Ohannes zimmî doksan guruş semen-i medfû‘ ve makbûza âhara bey‘le istihlâk etmekle meblağ-ı mezbûr doksan guruşun yetmiş sekiz guruşunu merkūm Ohannes zimmî yedinden ahz ü kabz edip bâkīsi olan on iki guruş ile zikr olunan bir buçuk miskāl altını merkūm Ohannes zimmîden hâlâ taleb ederim deyü eylediği da‘vâsından bâ-vesâtet-i muslihîn merkūm Ohannes zimmî ile iki guruş bedel-i makbûza sulh olup mâ‘adâ on guruş ile zikr olunan çiçek ve bir buçuk miskāl altına ve sâire müte‘allika âmme-i da‘vâdan merkūm Ohannes zimmînin zimmetini ibrâ ve ıskāt eyledikde ol dahi sulh ve ibrâsını kabûl eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 17 S sene 1197