Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 542 Hüküm no: 665 Orijinal metin no: [90b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Halil’in Keresteci Ohannes’e olan borcu hakkında anlaşma sağlandığı Keresteci tâifesinden Ohannes v. Kazar nâm zimmî Davudpaşa Mahkemesi’nde meclis-i şer‘de Ahmed b. Halil nâm kimesne bundan akdem mezbûr Ahmed yedimden iştirâ eylediği ecnâs-ı kereste semeninden bâkī on guruş alacak hakkımı mezbûr Ahmed’den hâlâ taleb ederim deyü eylediği da‘vâsından bâ-vesâtet-i muslihîn mezbûr ile sekiz guruş üzerine sulh mâ‘adâ iki guruşa müte‘allika da‘vâdan mezbûr Ahmed’in zimmetini ibrâ ve ıskāt eyledikde ol dahi sulh ve ibrâsını ba‘de’l-kabûl bedel-i sulh olan meblağ-ı mezbûr sekiz guruş müdde‘î-i merkūm Ohannes zimmîye bi’t-taleb edâ ve teslîme mezbûr Ahmed’e tenbîh olunduğu bi’l-iltimâs i‘lâm olundu. Fî 24 min-S sene 1197