Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 543 Hüküm no: 667 Orijinal metin no: [90b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. İbrahim’in Ahmed b. Mustafa’dan alacağı olduğunu ispatlayamadığı Bâ‘isü’l-i‘lâm Mustafa b. İbrahim nâm kimesne Davudpaşa Mahkemesi’nde meclis-i şer‘de Ahmed b. Mustafa nâm kimesne mahzarında bundan akdem mezbûr Ahmed zimmetinde cihet-i karzdan yüz guruş alacak hakkımın doksan guruşunu yedinden ahz ü kabz ve bâkī on guruş ile yedimden iştirâ ve kabz eylediği beynimizde ma‘lûm esvâb semeninden yirmi guruş ki cem‘an otuz guruşu mezbûr Ahmed’den hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr Mustafa meblağ-ı mecmû‘-ı mezkûr otuz guruş mutâlebesiyle mezbûr Ahmed’e bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 28 S sene 1197