Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 544 Hüküm no: 669 Orijinal metin no: [90b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çörekçi Mehmed’in Yağcı Nikola’ya olan borcu hakkında sulh bedeli karşılığı anlaşmaya varıldığı Yağcı tâifesinden Nikola v. Ayot nâm zimmî Davudpaşa Mahkemesi’nde meclis-i şer‘de Çörekçi Mehmed b. Hasan nâm kimesne mahzarında târih-i i‘lâmdan dört sene mukaddem mezbûr Mehmed yedimden iştirâ ve kabz eylediği vezn ve fiyâtı beynimizde ma‘lûm şîrugan semeninden bâkī altmış dört guruş on dört para alacak hakkımı mezbûr Mehmed’den hâlâ taleb ederim deyü tesaddî eylediği da‘vâsından bâ-vesâtet-i muslihîn mezbûr Mehmed ile kırk beş guruş üzerine sulh olup mâ‘adâ on dokuz guruş on dört paraya müte‘allika da‘vâdan mezbûr Mehmed’in zimmetini ibrâ ve ıskāt eyledikde ol dahi sulh ve ibrâsını ba‘de’l-kabûl bedel-i sulh-ı mezkûr kırk beş guruşu müdde‘î-i merkūm Nikola zimmîye bi’t-taleb edâ ve teslîme mezbûr Mehmed’e tenbîh olunduğu bi’l-iltimâs huzûr-ı âlîlerine i‘lâm olundu. Fî 3 Ra sene 1197