Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 545 Hüküm no: 671 Orijinal metin no: [90b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abraham v. Ohan’ın Oseb v. Vartan’ın evinden para ve altın çalması ile alakalı davaya sulh bedeli karşılığı son verildiği Bâ‘isü’l-i‘lâm Oseb v. Vartan nâm zimmî Davudpaşa Mahkemesi’nde meclis-i şer‘de Abraham v. Ohan nâm zimmî muvâcehesinde bundan akdem merkūm Abraham zimmî İslâmbol’da Mirâhor mahallesinde vâki‘ menzilim derûnunda mahfûz mâlımdan nakid yüz elli guruş ile on yedi guruş kıymetli bir tek altın bileziğimi bi-gayrı hakkın ahz ü kabz etmekle nakd-i mezkûr yüz elli guruş ile zikr olunan bir tek altın bileziği merkūm Abraham zimmîden hâlâ taleb ederim deyü eylediği da‘vâsından bâ-vesâtet-i muslihîn merkūm Abraham zimmî ile an-inkâr altmış guruş üzerine sulh olup mâ‘adâ doksan guruşa ve zikr olunan bir tek altın bileziğe ve kıymet-i mezkûresine müte‘allika âmme-i <> da‘vâdan merkūm Abraham zimmînin zimmetini ibrâ ve ıskāt eyledikde ol dahi sulh ve ibrâsını <> ba‘de’l-kabûl bedel-i sulh-ı merkūm altmış guruşu müdde‘î-i merkūm Oseb zimmîye bi’t-taleb edâ ve teslîme merkūm Abraham zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 8 Ra sene 1197