Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 545 Hüküm no: 672 Orijinal metin no: [91a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üstüyan ve Nikola’nın Oseb v. Vartan’dan aldıkları ineğin ücreti konusundaki anlaşmazlıklarına sulh bedeli karşılığı son verildiği Bâ‘isü’l-i‘lâm Oseb v. Vartan nâm zimmî Davudpaşa Mahkemesi’nde meclis-i şer‘de Üstüyan v. İstano ve Nikola v. Yuvan nâm zimmîler muvâcehelerinde bundan akdem mesfûrân Üstüyan ve Nikola zimmîler yedimden iştirâ ve kabz eyledikleri üç re’s inek semeninden zimmetlerinde kırk guruş alacak hakkım olmağla hâlâ taleb ederim deyü eylediği da‘vâsından bâ-vesâtet-i muslihîn mesfûrân Üstüyan ve Nikola zimmîler ile an-inkâr yirmi guruş üzerine sulh olup mâ‘adâ yirmi guruşa müte‘allika da‘vâdan mesfûrân Üstüyan ve Nikola zimmîlerin zimmetlerini ibrâ ve ıskāt eyledikde onlar dahi sulh ve ibrâsını ba‘de’l-kabûl bedel-i sulh yirmi guruşu müdde‘î-i merkūm Oseb zimmîye bi’t-taleb edâ ve teslîme mesfûrân Üstüyan ve Nikola zimmîlere tenbîh olunduğu bi’l-iltimâs huzûr-ı âlîlerine i‘lâm olundu. Fî 8 Ra sene 1197