Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 547 Hüküm no: 676 Orijinal metin no: [91a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bedros v. Serkiz’in bir işi halletmek üzere Agop v. Mardıros’a verip daha sonra geri istediği para davasına sulh bedeli karşılığı son verildiği Sâhib-i arzuhâl Bedros v. Serkiz nâm zimmî derûn-ı arzuhâlde mezkûrü’l-ism olup Dîvân-ı âlî çavuşlarından Ömer Çavuş mübâşeretiyle Davudpaşa Mahkemesi’nde ihzâr etdirdiği Agop v. Mardıros nâm zimmî muvâcehesinde merkūm Agop zimmîye târih-i i‘lâmdan yedi ay mukaddem mâlımdan bir husûsun temşiyeti içün yirmi bir guruş bi-tarîki’r-rüşvet def‘ ü teslîm edip ol dahi yedimden ba‘de’l-ahz ve’l-kabz meblağ-ı mezbûr yirmi bir guruşu merkūm Agop zimmîden geri taleb ederim deyü tesaddî eylediği da‘vâsından bâ-vesâtet-i muslihîn merkūm Agop zimmî ile on altı guruş üzerine sulh olup mâ‘adâ beş guruşa müte‘allika da‘vâdan merkūm Agop zimmînin zimmetini ibrâ ve ıskāt eyledikde ol dahi sulh ve ibrâsını ba‘de’l-kabûl bedel-i sulh-ı merkūm on altı guruşu müdde‘î-i merkūm Bedros zimmîye bi’t-taleb edâ ve teslîme merkūm Agop zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 14 min-Ra sene 1197