Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 551 Hüküm no: 686 Orijinal metin no: [91b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in kocasının kendisini boşamadığı İslâmbol’da İbrahim Çavuş mahallesinde sâkine ve zâtı mu‘arrefe olan Âişe bt. Mehmed nâm hatun Davudpaşa Mahkemesi’nde meclis-i şer‘de zevc-i dâhili Mehmed b. Mustafa nâm kimesne mahzarında mezbûr Mehmed zevc-i dâhilim olduğu hâlde târih-i i‘lâmdan otuz iki gün mukaddem beni tatlîk etmekle zimmetinde ma‘kūdun-aleyh olan yirmi beş guruş mehr-i müeccelim ile bakıye-i nafaka-i iddet-i mu‘ayyene ve meûnet-i süknâmı zevcim mezbûrdan hâlâ taleb ederim deyü da‘vâ etdikde ol dahi cevâbında fi’l-vâki‘ müdde‘iye-i mezbûre Âişe Hatun ber-vech-i muharrer yirmi beş guruş mehr-i müeccel tesmiyesiyle zevce-i medhûlün-bihâsı olduğunu ikrâr lâkin tatlîkini ba‘de’l-inkâr müdde‘iye-i mezbûre Âişe Hatun ber-minvâl-i muharrer müdde‘âsını beyândan âcize ve talebiyle mezbûr Mehmed ba‘de’t-tahlîfi’ş-şer‘î mûcebince zevci mezbûr Mehmed ile ezvâc mu‘âmelesi etmek üzere müdde‘iye-i mezbûre Âişe Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 19 Ra sene 1197