Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 552 Hüküm no: 687 Orijinal metin no: [91b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. İbrahim’in almadığı kiremitin parası olan meblağı Abdurrahman Ağa’ya geri vermesi Bâ‘isü’l-i‘lâm Abdurrahman Ağa b. Mehmed nâm kimesne Davudpaşa Mahkemesi’nde meclis-i şer‘de es-Seyyid Ali b. İbrahim nâm kimesne mahzarında bundan akdem mezbûr es-Seyyid Ali yedinden iştirâ ve kabz eylediğim ma‘lûmü’l-aded kiremid semeni olmak üzere mezbûr es-Seyyid Ali’ye yirmi dört buçuk guruş def‘ ü teslîm ol dahi yedimden ba‘de’l-ahz on yedi buçuk guruşluk kiremid irsâl edip yedi guruş zimmetinde kalmağla meblağ-ı mezbûr yedi guruşu mezbûr es-Seyyid Ali’den istirdâd ederim deyü ba‘de’d-da‘vâ ve’l-istintâk ol dahi cevâbında yirmi dört buçuk guruşluk kiremidi kendüye tamamen def‘ ve teslîm eyledim deyü def‘ini beyândan âciz olup talebiyle mezbûr Abdurrahman ba‘de’t-tahlîfi’ş-şer‘î mûcebince meblağ-ı mezbûr yedi guruşu müdde‘î-i mezbûr Abdurrahman Ağa’ya geri red ve teslîme mezbûr es-Seyyid Ali’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 8 min-Ra sene 1197